Dis onwaarskynlik dat ek eendag hierdie oomblik sal vergeet
Tussen al die ander wat ‘n leeftyd genereer
Hierdie een skryf ek neer
Want jy staan voor my deur met ‘n hoed en ‘n jas
Jy sê deur wind en weer tot hier was dit ‘n baie lang pad
En agter jou lê ‘n moeë fiets, langs jou staan ‘n tas
En die res het ek in jou oë gekry, jy is hier, geliefde my, jy is hier om te bly
Dis onwaarskynlik dat ek ooit sou raai dat jy hier gaan kom draai
En wat nog te sê van stil kom staan sonder om weer te gaan
Ek het gewonder, maar kon nie weet nie, ek moes dit los, maar kon nie vergeet nie
So, hierdie dag skryf ek neer
Want jy staan voor my deur met ‘n hoed en ‘n jas
Jy sê deur wind en weer tot hier was dit ‘n baie lang pad
En agter jou lê ‘n moeë fiets, langs jou staan ‘n tas
En die res het ek in jou oë gekry, jy is hier, geliefde my, jy is hier om te bly