Lyrics
همّ مين واحنا مين همّ الأمرا والسلاطين
همّ المال والحكم معاهم واحنا الفقرا المحكومين
همّ مين واحنا مين همّ الأمرا والسلاطين
همّ المال والحكم معاهم واحنا الفقرا المحكومين
حزّر فزّر شغّل مخّك شوف مين فينا بيحكم مين
إحنا مين وهمّ مين إحنا الفعلا البنّايين
إحنا السنّة واحنا الفرض
إحنا الناس بالطول والعرض
من عافيتنا تقوم الأرض وعرقنا يخضّر بساتين
همّ مين واحنا مين همّ الأمرا والسلاطين
همّ المال والحكم معاهم واحنا الفقرا المحكومين
حزّر فزّر شغّل مخّك شوف مين فينا بيخدع مين
همّ مين واحنا مين همّ الأمرا والسلاطين
همّ بيلبسوا آخر موضة
واحنا بنسكن سبعة في أوضة
همّ بياكلوا حمام وفراخ
واحنا الفول دوَّخنا وداخ
حزّر فزّر شغّل مخّك شوف مين فينا بياكل مين
إحنا مين وهمّ مين إحنا قرنفل على ياسمين
إحنا الحرب حطبها ونارها
واحنا الجيش اللي يحرّرها
واحنا الشهدا في كل مدراها منتصرين أو منكسرين
همّ مين واحنا مين) همّ الأمرا)
همّ مين واحنا مين) واحنا الفقرا المحكومين)
همّ مين واحنا مين
همّ مين واحنا مين) همّ الأمرا واحنا الفقرا)
حزّر فزّر شغّل مخّك
شوف مين فينا حيغلب مين
WRITERS
Ahmed Fouad
PUBLISHERS
Lyrics © EMPIRE PUBLISHING
See A Problem With Something?
Lyrics
Other
